Cuando Asturies emitió billetes

Del Comité Provincial al primer ‘belarmín’

La hestoria de los ‘belarminos’ entama de forma bien áceda, como tolo qu’arrodia a la guerra civil. Unes selmanes dempués del golpe d’estáu facista, concretamente’l 6 de setiembre de 1936, formóse’l Comité Provincial del Frente Popular d’Asturies, un órganu políticu destináu a asumir la llegalidá republicana y que resultara de la fusión del Comité Popular de Sama de Llangréu y el Comité de Guerra de Xixón. Intentóse, nun entamu, l’entendimientu ente toles fuercies polítiques defensores del gobiernu llexítimu: presidía’l socialista Belarmino Tomás; la cartera de Guerra llevábala Juan Ambou, comunista; al frente de la Facienda alcontrábase un Rafael Fernández bien mozu, poles JSU, y tamién taben presentes na so cadarma CNT, FAI ya Izquierda Republicana (IR). Les finances, que ye de lo que vinimos equí a falar, manexábense por mediu d’un decretu robláu’l 24 d’ochobre, per mediu del cual Tomás y Fernández autorizaben la emisión de los ‘bonos’, talones al portador de distintos valores, diferenciaos per un códigu de colores, que se cobraben escontra la cuenta de la Caxa Central de Depósitos del Bancu d’España de Xixón.


https://www.nortes.me/2023/09/08/cuando-asturies-emitio-billetes/


UN SALUDO